香港公益金舉辦嘅「港島、九龍區百萬行」同埋「新界區百萬行」已經喺今年1月9號同2月27號圓滿舉行咗喇，我哋好多謝當中超過三萬位熱心人士嘅踴躍參與，仲幫到公益金資助嘅「兒童及青年服務」一共籌到超過港幣2 千3百萬善款添!為咗答謝各個勞苦功高嘅機構同團體，公益金日前喺香港會議展覽中心舉行咗支票遞交同埋頒獎儀式，大家一齊分享下當嗰日嘅喜悅啦!
終於等到喇，大家一定好期待呢個咁開心嘅日子啫!
會場接待處人頭湧湧，同事同得奬者各個都笑意盈人。
奬盃林立，一張相影唔哂！除咗有「港島、九龍區百萬行」以及「新界區百萬行」嘅前五名奬盃，仲有最高籌款躍進奬冠、亞、季軍、個人最高籌款奬前三名、民政事務區最高籌款奬冠、亞、季軍……
登鐙燈凳！仲有百萬行今年最高籌款嘅特別奬 ─ 挑戰盃！咁有份量嘅奬盃梗係俾最戮力籌款嘅機構啦。
籌款成績驕人，一眾百萬行主席團成員同主禮嘉賓各個神采飛揚，等待頒獎禮開始。 
高朋滿座，得奬機構同協助機構代表坐滿成個會議大廳，百萬行頒奬典禮正式開始！
公益金籌委會聯席主席
署理民政事務局局長許曉暉太平紳士蒞臨做我哋嘅主禮嘉賓，有賴民政事務總署協助，公益金先至可以聯合全港18區一齊做善事，多謝晒！ 
維嘉國際集團有限公司今年唔單止攞到「最高籌款躍進獎」，仲囊括「新界區百萬行」最高籌款機構冠軍！希望佢哋明年繼續保持紀錄，善心善款再躍進！ 
個人最高籌款獎冠軍國浩集團有限公司執行董事
AXA國衞保險近年積極參與公益金嘅籌款活動。今次佢哋再獲「港島、九龍區百萬行」最高籌款機構冠軍，以及最高籌款隊伍榮譽挑戰盃。大家見到挑戰盃要由主禮嘉賓許曉暉太平紳士(左三)同三位AXA國衛保險嘅高大男士先抬得起就知道份量十足！希望佢地喺未來嘅日子都會繼續支持公益金，幫助香港有需要嘅人！ 
頒獎禮喺一片歡樂聲中完結，最後主禮嘉賓、主席團同埋「港島、九龍區百萬行」得奬機構代表嚟一張大合照留念，希望百萬行能夠繼往開來，不斷籌募更多善款！
「新界區百萬行」得奬機構陣容鼎盛，希望大家再接再厲，明年再創佳績！
