仲有唔夠兩個月就係人月兩團圓嘅中秋啦！大家有冇諗過喺歡度佳節嘅時候，將呢份開心同身邊有需要人士分享，送上溫暖同祝福！由榮華餅家為公益金炮製嘅「公益月餅」就係其中一個表心意嘅最好方法。每盒「公益月餅」均為雙黃白蓮蓉月餅四個裝，公益價係160蚊，(門市要賣308蚊一盒)。每賣出一盒「公益月餅」，榮華餅家就會捐出50蚊俾公益金用嚟幫助香港有需要嘅朋友。大家有興趣購買嘅話，可以喺公益金網站下載訂購表格，填好後喺9月5號前寄番去公益金辦事處。每張月餅換領券可以喺9月10號或之前到指定榮華港、九、新界各門市部換領「公益月餅」一盒。
快D行動！今個中秋叫埋親戚朋友一齊支持啦！
