August 24, 2015

「公益金及時雨基金」專欄 — 時間 是最好的藥

望住枱上一包包按服用時間分類、細心貼好標籤嘅藥丸,親人之間嘅關愛不言而喻。只可惜古先生呢份孝心同體貼,被一場無情意外斷送……

五十三歲嘅古立志任大廈保安員十五年,工作態度盡責有禮,深受住客信任。由於古媽媽年事已高、病痛纏身,孝順嘅古先生一直同媽媽同住,照顧佢起居飲食。天意弄人,古先生喺巡邏停車場期間被一架失控駛至嘅跑車撞斃,剩下古媽媽傷心欲絕,長留家中不願見人。即使親友陪同求醫,抗抑鬱藥物亦未能解開老人家嘅心結。公益金及時雨基金得知古媽媽情況,即時撥出港幣四萬元緊急援助金,希望減輕古家經濟壓力,幫助佢哋走出傷痛。