年輕嘅你未必知道，戰後五十年代，生活困難，潘伯伯(潘森)同弟弟(潘華)分別離開家鄉到香港工作，冇幾耐就失去聯絡。 幾十年黎，潘伯伯嘅心願就係盼望可以同弟弟重聚，但試過好多方法，都徒勞無功。
直至知道香港紅十字會有尋人服務，就隨即聯絡，要求協助尋訪弟弟嘅下落。結果喺公益金資助下，紅十字會尋人服務喺短短一個月內，就成功搵到潘弟弟。
兩兄弟經過近60 年嘅分離，終於喺2008 年10 月31 日重逢相聚！兩人歡喜咁相約茶聚，細述往事，談笑問好，當然唔少得影相留念啦。
2008 年11 月24 日，潘伯伯收到電話，得知弟弟癌病復發，病情急劇惡化，已被送到屯門醫院。經過一番短暫嘅歡欣喜樂，想唔到兩兄弟又要再次分離...
潘森伯伯喺佢嘅個人網誌咁樣寫:
27/11 (四)
中午再去探望胞弟“ 華仔”，
醫生對我解釋，病人的癌細胞已經曠散，
叫我們做為心理準備，眼見細佬呼吸困難，
已經加大 [氧氣] ，令他閉上眼睛慢慢離去，
我當時的感受，很難說出來,淚水一直流，
經過 58 年的分離，最近 31/10 (五) 能重逢
相聚，是上天爺爺憐憫我。可惜現在離別
是永遠。感謝上天給我倆28 天相聚。
- http://hk.myblog.yahoo.com/sum_poon2001
(右) 潘森 Poon Sum (左) 潘華 Poon Wah (現已逝世)
日前陪同潘森伯伯及香港紅十字會國際及賑災服務部副主管 — 劉冰到電台進行訪問錄音，潘伯伯憶述同弟弟重聚嘅一刻，心情都好激動。想到已逝世嘅弟弟，潘伯伯更忍唔住流下眼淚。
正如潘伯伯喺網誌提到，上天雖然只畀佢地兩人28 日相聚時間，但能夠喺有生之年可以同弟弟團聚，以經完左佢多年嘅心願。
想親自收聽潘伯伯感人嘅故事，同知多D 關於公益金資助嘅紅十字會尋人服務，你可以收聽 6 月4 日晚上 8:30-9:00 新城知訊台 (FM997) <<知識迎人>> 內播出嘅 <<香港人‧香港心‧全心全意公益金>> 。
後排：主持陳美思、蔡展煇
前排：潘森伯伯、香港紅十字會國際及賑災服務部副主管 — 劉冰
