Welcome to Chester's blog

公益金最受歡迎之一嘅大型籌款活動「港島、九龍區百萬行」，已經定左喺2011年1月9日(星期日)舉行啦！今次活動會以香港大球場為起點，途經黃泥涌峽道、布力徑、香港仔水塘道，以香港仔郊野公園遊客中心為終點。全程長約十公哩，步行全程約需三至四小時，所有籌得嘅善款將全數撥捐資助「兒童及青少年服務」。

團體報名表格、贊助表格，可以喺公益金網頁 http://www.commchest.org/ 下載或親臨公益金辦事處索取，個人步行者贊助表格亦可以喺各區民政事務處攞到。 快d約埋屋企人同朋友一齊參加啦！歡迎致電公益金二十四小時熱線查詢：2854 5111。