《公益金 • 香港心》節目特輯已播出個多星期，最後兩集今、明兩晚會繼續觸動人心。播出時間依然係23:55 無綫電視翡翠台，或23:40 高清翡翠台。翌日重播時間係14:50 無綫電視翡翠台，或17:45 高清翡翠台。
第九集 香港紅十字會 — 尋人服務
(播映日期：1月20日)
年逾七旬嘅潘伯，一直遺憾戰亂時同弟弟失去聯絡。公益金資助嘅香港紅十字會 — 尋人服務，竭力幫助因天災或戰亂而失散多年嘅親人重聚，令佢地再次享受天倫之樂。潘伯從來冇諗過一封電郵查詢，會為兩兄弟鋪設相認嘅橋樑。失散半個世紀，兩兄弟重逢一刻，潘伯激動得熱淚盈眶。雖然彼此相聚短短二十八日後弟弟就離世，但能夠趕及團聚，潘伯覺得已係一種福份。第十集 香港肌健協會
(播映日期：1月21日)
讀大學係唔少年輕人嘅夢想，賴凱詠都唔例外。凱詠中二時患上肌肉萎縮症，無論說話、行動都有困難，但佢從來冇放棄，經過多年努力，目前正修讀碩士課程。為左凱詠可以順利學習，賴媽媽不惜跟仔仔一齊返學，幫佢抄筆記，甚至連自己唔識英文都照樣抄。透過公益金會員機構 — 香港肌健協會，凱詠踏出人生重要嘅一步，同其他人分享佢嘅成長故事，向政府反映肌肉萎縮症患者需要，爭取社會資源合理分配、平等機會。佢又親自去到學校，以自己嘅故事影響其他年輕人，希望佢地明白生命可貴，學習逆境自強嘅精神。
